我對客家諺語的體會

我對客家諺語的體會

亻厓 對客家諺語个體會

(我對客家諺語的體會)

102年全國語文競賽客語演講賽國中組演講稿

各位評判先生，各位同學，大家好！亻厓 今分日要演講介題目係「亻厓 對客家諺語个體會」，「亻厓 對客家諺語个體會」！

舊年亻厓 準備客語中高級認證个時節，葉仔先生教亻厓 學習客家諺語，準備拿高分，該時節，亻厓 發現客家諺語係客家祖先留分後代子孫个智慧財產，因為有當多教人做人做事个道理，也有對天氣整理出規則，當像係頭擺个氣象局，故所，亻厓 對客家諺語有當多个體會，這下，亻厓 就將亻厓 个體會向大家報告：

亻厓第一個體會係：客家諺語有環保个價值

大家做環保，人類正有前途。客家諺語說：

有時省一口，冇時有一斗。

勤儉才有底，浪費不成家。

爛衫好遮羞，爛鼓好救，爛銅鑼可嚇賊。

有油莫點雙盞火，免得毋油打暗摸。

省食有存，省穿有新。

這全部都係提醒後代子孫，要省儉來珍惜地球資源个好文化，也係現代國民做環保愛護地球最簡單个事情，也做得做為環保署个環境教育教材，值得大家發揚利用。

亻厓第二個體會係：客家諺語有道德教育个價值

教育个目的係培養有道德觀念个專業人才，故所，教育部應該重視學生个道德教育，客家諺語講：

千跪萬拜一爐香，不如生前一碗湯。

往生正來拜豬羊，不如生前吃四兩

家有一老，當過一寶。家有一個老，當過一尾鎖。

養子要教，養老要孝。

就係教大家愛有孝爺娘；客家諺語又講：

有量就有福、明人不做暗事。

見蛇毋打三分罪。

有錢施功德，無錢拈開刺。

少做缺德事，自有好兒孫。

撐船撐過溪，救人救到底。幫人幫到底 送佛送上天。

心肝係好，風水毋使討。

人惡人怕天不怕，人善人欺天不欺。

這全部都係教大家愛做善事，愛行善。

亻厓第三個體會係：客家諺語有公共安全个價值

客家諺語說：「一石鬆，滿山動」，國內个都毋係短時間造成，而是一部分个泥石逐步鬆動，正會發生土石流，「一石鬆，滿山動」這句話告訴亻恩 兜，平常時毋會注意个小事情，就有可能會引起連鎖災害，故所，做毋得無注意。客家諺語又講：「大漏漏沒長，小漏漏乾塘」、「小窟不堵，大窟難補」，意思係說，埤塘若係出現大漏水，盡容易分人發現，即時就做得補救，若係講係小漏水，無容易發現，時間一久，水都漏忒了;故所發現到有小漏水，無一開始就堵起來，等到漏大水時，就當難處理。這兜客家諺語都係提醒亻恩 兜，平常要主動去發現危機，逐項檢查，早期發現，提早處理。

客家諺語係寶貴个文化資產，值得好好保留，翻譯成英文，流傳到全世界，亻厓 對客家諺語个體會有當多，因為時間个關係，亻厓 正報告客家諺語有環保个價值、客家諺語有道德教育个價值、客家諺語有公共安全个價值這三點，希望大家摎亻厓 共下來傳承發揚客家諺語，分客家文化流傳千年、萬年、萬萬年。

亻厓 个演講講完了，祝福大家順順利利吃2百2，轉去買田又買地，恁仔細，正來尞，再會。